Peisazhi i burimeve njerëzore dhe i rekrutimit po evoluon vazhdimisht dhe viti 2024 është gati të jetë një vit tjetër i ndryshimeve të mëdha. Pyetëm disa ekspertë brenda dhe jashtë vendit për drejtimin dhe prirjet që do marrin burimet njerëzore dhe procesi i rekrutimit.
Mbretërimi i teknologjisë:
- AI merr fazën qendrore: Prisni një përshtatje më të gjerë të AI në funksione të ndryshme të burimeve njerëzore, nga kontrolli i automatizuar i aplikimeve dhe marrja e burimeve të kandidatëve deri te instalimi në bord dhe menaxhimi i performancës. AI do përdoret gjithmonë e më shumë në punë te thjeshta të përditshme siç janë caktimi e takimeve, përshkrimi i punës, kërkime etj. Në kompani të mëdha ku marrin qindra aplikime për një pozicion, AI do jetë filtruesi i kandidatëve sipas kualifikimeve të preferuara. AI nuk do bëhet zot por asistenti tij… 😉
- BNJ do të shfrytëzojë analizën e të dhënave për të marrë vendime të informuara në lidhje me punësimin, trajnimin dhe angazhimin e punonjësve. Analiza e të dhënave do integrohet gjithmonë e më shumë për të marrë vendime më mirë të informuara dhe për të reduktuar nepotizmin, promovimet që mund të vinë si rrjedhojë e marrëdhenieve midis kolegëve dhe për ti dhëne kreditet njerëzve të duhur.
- Automatizimi në rritje: Detyrat e përsëritura si planifikimi i intervistave dhe përpunimi i dokumenteve do të automatizohen më tej, duke liruar profesionistët e burimeve njerëzore për punë më strategjike.
Investimi në mësim dhe zhvillim:
- Kompanitë do t’i japin përparësi përmirësimit dhe rikualifikimit të fuqisë punëtore ekzistuese për t’i mbajtur ata të angazhuar dhe të adaptueshëm në një treg pune në ndryshim. Kompanitë nuk munden vetëm të reagojnë mbi ndryshimet dhe levizjet e konkurentëve në tregun e tyre por duhet të jenë proaktiv dhe të jenë forcë vepruese. Në botën aktuale ku forca e informacionit penetron si shpejtësia e dritës në çdo cep të botës, është me detyrim trajnimi I vazhdueshëm I çdo personi që është pjesë e kompanisë.
- Prioriteti i mirëqenies së punonjësve: Shëndeti dhe mirëqenia mendore do të jetë një shqetësim kryesor, me kompanitë që ofrojnë më shumë programe mbështetëse dhe rregullime fleksibël të punës. Në një treg pune ku punëtorët po bëhen më të rrallë se ajri në hapësirë, punëdhënësi do e ketë me detyrim të ofrojë gjithmonë e më shumë benefite përtej pagës. Edhe pse mbase kjo ska arritur në Shqipëri ende, Rekruto.al parashikon që me ngritjen e kompanive të huaja do e sjellin këtë kulturë me vete. Kompanitë Shqiptare do të detyrohen të ndryshojnë me rregullat e reja të tregut ose të humbasin punonjësit e tyre më të aftë.
- Përqëndrimi në përvojën e punonjësve: Krijimi i një përvoje pozitive të punonjësve gjatë gjithë udhëtimit, nga rekrutimi deri te instalimi dhe zhvillimi, do të jetë vendimtar për tërheqjen dhe mbajtjen e talenteve. Kjo pikë ndërlidhet me pjesën e mësipërme. Shqipëria është një nga vendet ku rinia dhe njerëzit duan të largohen jashtë saj. Vështirësitë janë të shumta për çdo punëmarrës nga qeraja, rritja e çmimeve, kostot e kredisë, kostot mjekësore etj. etj. Nuk është nevoja që dhe puna të bëhet një peshë më e madhe seç duhet të jetë.
Tendenca të tjera kryesore:
- Punësimi i bazuar në aftësi dhe potencial: Largimi nga rezymetë tradicionale dhe fokusimi në vlerësimin e aftësive dhe potencialit përkatës, pavarësisht prejardhjes arsimore. Me mungesën që ka tregu punës për punonjës kompanitë do detyrohen të zgjerojnë dhe përmisojnë mënyrën e tyre të rekrutimit. Kandidatë që më përpara nuk konsideroheshin tashmë kanë një shans, të merituar. Më mirë vonë se kurrë. Një shëmbull konkret është një nga projekt menaxherët tek Google, ku u zgjodh pikërisht për këtë pozicion për shkak se puna e saj e mëparshme ishte si bariste. Ajo punonte tek bari i preferuar i disa punonjësve të Google, ku i ra në sy aftësia e saj për të menaxhuar klientët dhe për të kryer detyra të ndryshme në një situatë mjaft stresuese. Njerëzit nuk fillojnë kurrë nga zero, secili nga ne ka eksperienca dhe aftësi të fituar nga puna dhe jeta jonë, dhe këto mund të përshtaten me sukses në çfarëdolloj roli.
- Roli i rekrutuesit në zhvillim: Rekrutuesit do të bëhen këshilltarë më strategjikë, duke u fokusuar në menaxhimin e marrëdhënieve të talenteve dhe ndërtimin e markës së punëdhënësit. Roli i tyre nga i hiperspecializuar do të kthehet më gjeneral dhe do të ndërrmarrin detyra të reja mbi supe. Rekrutuesit per arsyet e përmëndura do të marrin më shumë vëmëndje. Eksperienca e tyre me kanditatët që intervistojnë do të drejtojë marketingun dhe strategjinë e rekrutimit. Gjithashtu me detyrat e tyre të reja dhe me rëndësinë që do I japi tregu Shqiptar këtij roli paga e tyre do të rritet dhe do ketë më shumë kërkesa për këtë pozicion pune.
- Inteligjenca e talenteve: Përdorimi i të dhënave të tregut dhe analitikave për të fituar njohuri mbi peisazhin e talenteve dhe për të marrë vendime të informuara për punësimin. Tregu është në ndryshim të shpejtë këtë vit më shumë se kurrë, po me këtë hap po ecin dhe përgjesitë e punonjësve. Të dish ku dhe si do shkojë tregu do ndihmojë kompanitë jo vetëm në trajnimin e punonjësve por edhe në aftësitë dhe karakterin e kanditatëve potencialë që do zgjedhin.
- Punësimi i hershëm në karrierë: Rritja e fokusit në tërheqjen dhe edukimin e talenteve të rinj përmes praktikave, programeve të mentorimit dhe mundësive të nivelit të hyrjes. Në një treg ku profesionistët mungojnë sepse i rrëmben bota, kompanitë Shqiptare do duhet të dalin nga guacka e tyre e sigurisë dhe të mos pretendojnë që kandidati të vijë gati. ,Mund t’i jepet një shanc të sapodiplomuarve për punësim dhe të mos pretendohen kushte qesharake si 5+ vite eksperiencë për nivelet e ulëta. Ndonëse ky nuk është viti ku kjo praktikë do shpërthejë, por është viti i themeleve.
- Zgjidhjet e përkohshme: Përdorimi i punonjësve të pavarur, me kontratë dhe të përkohshëm për të adresuar nevojat specifike dhe boshllëqet e aftësive në kompani. Disa profesionist kanë kuptuar që për shkak të mungesave dhe kërkesës së lartë për to, janë më të fituar duke qëndruar të pavarur. Kjo është sidomos e vertetë në sektorin e ndërtimit dhe zhvilluesit softuerik. Sidomos për këto të fundit ku mund të punojnë nga shtëpia dhe kompanitë Shqiptare do ju duhet të konkurojnë me një treg global.
Mbani mend, këto janë vetëm disa nga tendencat për t’u parë, sfidat dhe mundësitë specifike do të ndryshojnë në varësi të industrisë dhe organizatës suaj. Por është një fillim i mbarë për të menduar ku janë dobësitë dhe forcat tuaja. Asgjë nuk funksionon menjëherë dhe ne një treg që po ndryshon kaq shpejt, falimentimet dhe mësimet do jenë thjeshtë pjesë e proçesit. Siç thote dhe George M. Moore:
“Një fitues është thjesht një humbës që u përpoq edhe një herë”.
